الفصائل تساعد النظام ــ الخال أبو رفعت – كفرنبل

الفصائل تساعد النظام ــ الخال أبو رفعت – كفرنبل

 

أهالي حي الوعر بدهن يرجعوا إلى حضن الوطن … ياعيب الشوم هود خونة…!!!

طبعاً ياأميرنا وياقائدنا بدهن يرجعوا على بيوتهن أو بقايا بيوتهن لأن حضرتك طالعتهن وهجرتهن وماحسنت تحميهن وتركوا بيوتهن منشانك بعد ماتحملوا حصار وقصف ودمار من أول الثورة لوقت طلعوا ورحت حطيتهن في مخيمات في الشمال قتلهن الجوع والوسخ والحر وتحملوا هالشي على أمل ترجع أنت ياأميرنا وياقائدنا تحررلهن حي الوعر ويرجعوا عليه . بس بعد كل هالتضحيات إلي ضحوها شافوكن أنتوا إلي عبتقودوا الثورة راكدين ورا إمارات وزعامات ومن وقت طلعوا من الوعر ماضربتوا طلقة على النظام وإسى كل يوم علقانين في بعضكن شي منشان الكهربا وشي منشان المعابر وإغتيالات وألغام والقتل شغال بيناتكن . بدهن يرجعوا على الوعر ويعيشوا تحت ظل النظام وحياتكن مهو محبة في النظام بس كرهاً فيكن ومابقى تفرق معهن لأن الثورة إلي ضحوا منشانها أنتوا إلي فشلتوها مهو النظام .

وبعدين ليش حاملين هالقد على أهل الوعر إذا رجعوا لحضن الوطن متل مانكن عبتقولوا ليش أهل حماه وريفها وحلب ونص ريفها ودمشق ونص ريفها وبانياس وجبلة واللادقية وريفها إلي كانوا يعبوا الشوارع في المظاهرات وينهن مهو في حضن الوطن وتحت حكم الأسد .

روح حررلهن الوطن وصدقني وقتها بيتركوا حضن النظام و بيقدوا في حضنك . . . .

  • Social Links:

Leave a Reply