أبو سيار وفصائلنا ــ الخال أبو رفعت – كفرنبل

أبو سيار وفصائلنا ــ الخال أبو رفعت – كفرنبل

 

أبو سيار مات عندو الجحش قام راح على سوق الجحاش يشتري جحش بدالو ومن وصل السوق وإسى الدنيا عتم قام شاف جحش أبيض وعالي قام إشتراه بخمسين ورقة وركبو ورجع على الدار وعند ماوصل الدار كان طلع الضو تاري الجحش رايح يفطس من الهلك ومعقور وضلاعو طالعة ومافي في تمو ولا سن وعينو عورة وكأن تورط فيه أبو سيار وإنقهر كتير وهو على أساس معلم في مشترا الجحاش طلعت أم سيار تشوف الجحش شهقت من قلبها ورفعت ديها لفوق وقالتلو الله لايعطيك العافية ياأبو سيار ولك أشو هالجحش هاد ولك كيف ضحكانين عليك وأبو سيار من غير شي مهو طايق حالو وكل شوي تفوت أم سيار وتلاقي أبو سيار عبلف في هالدخان والقهر عبشر من عيونو وتقلو أنو ضاربك العمى كيف مشتري هالجحش تفوت وتطلع وتبهدل في أبو سيار قام أبو سيار ماضل في راسو عقل قام مسك هالبريم ونزل في أم سيار وصير اللزق هون بضرك وهون بينفعك عمل جلدها أزرق من النيل والله بعد شوي صارت أم سيار تطلع لبرا وترجع تفوت وتقول ماشاالله ياأبو سيار ماأكوس هالجحش أنو بتقول عنو فرس والله في حياتي ياأبو سيار ماشفت متل هيك جحش رشاقة وقوام .

في عنا فصائل من أول الثورة مافيها غير الشعارات والكدب ومن صارت تشوف الضرب عن صيب عملت متل أم سيار قلبت كل مواقفها ومبادؤها وصارت تلقلق وتلحمس . . . .

  • Social Links:

Leave a Reply